სხალტბა

სხალტბის კვირაცხოვლის ეკლესია მდებარეობს საქართველოში, შიდა ქართლის მხარეში, მცხეთის მუნიციპალიტეტში, მცხეთიდან ჩრდილო-დასავლეთით 5 კმ–ში მდებარე სოფელ სხალტბას, სასაფლაოზე.

4. ruka

5. istoriuli mimoxilva

როგორც გაირკვა, ამ ადგილას აღმოჩნდა ორი ძირითადი ფენა – XII–ის ბოლოს აგებული ეკლესიისა (სიმაღლის არე ნახევრამდე) და შემდეგ XVII-–ში მოხდა ორი აღდგენა და ერთ–ერთი კარიბჭის აშენებას თანხვდა.
სხალტბის კვირაცხოვლის ეკლესია ივანე ზედგენიძის სახლთუხუცეს შიოშისა და მისი თანამეცხედრის თამარის ბრძანებით, 1669 წელს ააგეს. კარიბჭის ერთ–ერთ სვეტზე ამოკვეთილი წარწერის თანახმად, ეკლესია ოსტატ მელქან ფურცხვანიძის მიერ არის აგებული.
2007 წელს ძეგლს ჩაუტარდა რესტავრაცია.

6. legendebi, Tqmulebebi da zepirsityvieri gadmocemebi

არ მოგვეპოვება.

7. arqiteqturuli aRwera


Wrili	gegma

ეკლესია დარბაზულია (9X7.8 მ), ნაგებია აგურით. შესასვლელი სამხრეთიდანაა, კარიბჭედან. შესასვლელის თავზე ამოკვეთილი მხედრული წარწერის მიხედვით, ეკლესია 1669 წელს ააგეს, ხოლო კარიბჭის ერთ–ერთ სვეტზე ამოკვეთილი წარწერის თანახმად, ეკლესია ოსტატ მელქან ფურცხვანიძის მიერ არის აგებული. აღმოსავლეთით, ნახევარწრიული აფსიდის ღერძზე გაჭრილია განიერი სარკმელი, რომლის ორივე მხარეს სწორკუთხა თაღოვანი ნიშებია. საკურთხეველი ერთი საფეხურით ამაღლებულია. დარბაზის ჩრდილოეთისა და სამხრეთ კედლებზე ერთსაფეხურიანი პილასტრებია, რომლებსაც შეისრული კამარის საბჯენი თაღი ეყრდნობა. ეკლესიის ყოველ ყოველ კედელში სარკმლები კამარის საყრდენთანაა გაჭრილი, მათ ქვემოთ პატარა ნიშებია. ინტერიერში შელესილობა დაზიანებულია. სამხრეთის ფასადზე შესასვლელის საპირე ორნამენტითაა მორთული.
ეკლესიის თანადროული კ ა რ ი ბ ჭ ე ნაგებია რიყის ქვით და თლილი ქვითაა მოპირკეთებული. მისი სამხრეთის თაღედი ფასადის მხარეს მთლიანად გახსნილია: აქ სამ რვაწახნაგოვან ბოძს ოთხი შეისრული თაღი ეყრდნობა. ყოველი ბოძის სამი წინა წახნაგი მორთულია ჯვრებითა და გეომეტრიული მოტივებით. მოჩუქურთმებული კარიბჭის თაღები შემკულია ნახევარდისკოების მწკვრივით.