ა

ბ

გ

დ

ე

ვ

ზ

თ

ი

კ

ლ

მ

ნ

ო

პ

ჟ

რ

ს

ტ

უ

ფ

ქ

ღ

ყ

შ

ჩ

ც

ძ

წ

ჭ

ხ

ჯ

ჰ

arqiteqturuli leqsikoni

ყავარი – 13-25 მმ-ს სისქის ფიცარი, რომელსაც ხმარობდნენ სახურავის მასალად ან კედლის შესამოსად.

ყაზარმა (თურქ) – ჯარის მუდმივად სადგომი შენობა.

ყალიბი – 1. თიხის ან სხვა მასალისაგან დამზადებული ფორმა, ქანდაკების ან სხვა ნაწარმის ჩამოსასხმელად. 2. ბეტონის ან რკინა-ბეტონის კონსტრუქციის ამოსაყვანად დამზადებული ხის ან ლითონის ფორმა.

ყარადამი (აზერბ) – აზერბაიჯანული საცხოვრებელი სახლის სახეობა.

ყირათაღი – გადმოყირავებული თაღი. იგი, ჩვეულებრივ, კედლის წყობაშია ჩამარხული და საძირკველს გადასცემს ცალკე მდგომი საყრდენების დატვირთვებს. განმტვირთავი თაღის სახეობა.

ყირმი (თურქ) – შუა აზიაში გავრცელებული, ორნამენტის შელესვით შესრულების ტექნიკა.

ყიშლაყი (თურქ) – დასახლება შუა აზიაში.

ყორე – უკიროდ და უტალახოდ ნაგები ქვის კედელი – ზღუდე, მიჯნი.

ყორღანი – ტაბუთი, ტაგრუცი; სამარხი; რომელიც წარმოადგენს მიწაყრილს მის სისქეში დატანილი სამურავით, აკლდამით.

ყულფი – მარყუჟი, საკილოე; რაზის გასაყრელი რგოლი.

ყურე – აფრა, პანდატივი; სფერული სამკუთხედის ფორმის კონსტრუქციული ელემენტი, რომელიც იძლევა სწორკუთხა ფუძიდან გუმბათოვან გადახურვისაკენ გადასვლის საშუალებას.